॥ तोटकाष्टकम् ॥
विदिताखिल शास्त्र सुधा जलधे
महितोपनिषत्-कथितार्थ निधे ।
हृदये कलये विमलं चरणं
भव शंकर देशिक मे शरणम् ॥ 1 ॥
Viditaakhila Shaastra Sudhaa Jaladhe
Mahitopanishat-Kathitaartha Nidhe ।
Hridaye Kalaye Vimalam Charanam
Bhava Shankara Deshika Me Sharanam ॥ 1 ॥
करुणा वरुणालय पालय मां
भवसागर दुःख विदून हृदम् ।
रचयाखिल दर्शन तत्त्वविदं
भव शंकर देशिक मे शरणम् ॥ 2 ॥
Karunaa Varunaalaya Paalaya Maam
Bhavasaagara Duhkha Vidoona Hridam ।
Rachayaakhila Darshana Tattvavidam
Bhava Shankara Deshika Me Sharanam ॥ 2 ॥
भवता जनता सुहिता भविता
निजबोध विचारण चारुमते ।
कलयेश्वर जीव विवेक विदं
भव शंकर देशिक मे शरणम् ॥ 3 ॥
Bhavataa Janataa Suhitaa Bhavitaa
Nijabodha Vichaarana Chaarumate ।
Kalayeshvara Jeeva Viveka Vidam
Bhava Shankara Deshika Me Sharanam ॥ 3 ॥
भव एव भवानिति मे नितरां
समजायत चेतसि कौतुकिता ।
मम वारय मोह महाजलधिं
भव शंकर देशिक मे शरणम् ॥ 4 ॥
Bhava Eva Bhavaaniti Me Nitaraam
Samajaayata Chetasi Kautukitaa ।
Mama Vaaraya Moha Mahaajaladhim
Bhava Shankara Deshika Me Sharanam ॥ 4 ॥
सुकृतेऽधिकृते बहुधा भवतो
भविता समदर्शन लालसता ।
अति दीनमिमं परिपालय मां
भव शंकर देशिक मे शरणम् ॥ 5 ॥
Sukrite'dhikrite Bahudhaa Bhavato
Bhavitaa Samadarshana Laalasataa ।
Ati Deenamimam Paripaalaya Maam
Bhava Shankara Deshika Me Sharanam ॥ 5 ॥
जगतीमवितुं कलिताकृतयो
विचरंति महामाह सच्छलतः ।
अहिमांशुरिवात्र विभासि गुरो
भव शंकर देशिक मे शरणम् ॥ 6 ॥
Jagateemavitum Kalitaakritayo
Vicharanti Mahaamaaha Sachchhalatah ।
Ahimaamshurivaatra Vibhaasi Guro
Bhava Shankara Deshika Me Sharanam ॥ 6 ॥
गुरुपुंगव पुंगवकेतन ते
समतामयतां न हि कोऽपि सुधीः ।
शरणागत वत्सल तत्त्वनिधे
भव शंकर देशिक मे शरणम् ॥ 7 ॥
Gurupungava Pungavaketana Te
Samataamayataam Na Hi Ko'pi Sudheeh ।
Sharanaagata Vatsala Tattvanidhe
Bhava Shankara Deshika Me Sharanam ॥ 7 ॥
विदिता न मया विशदैक कला
न च किंचन कांचनमस्ति गुरो ।
दृतमेव विधेहि कृपां सहजां
भव शंकर देशिक मे शरणम् ॥ 8 ॥
Viditaa Na Mayaa Vishadaika Kalaa
Na Cha Kinchana Kaanchanamasti Guro ।
Dritameva Vidhehi Kripaam Sahajaam
Bhava Shankara Deshika Me Sharanam ॥ 8 ॥
