श्री महागणेश पञ्चरत्नम्
मुदाकरात्त मोदकं सदा विमुक्ति साधकम् ।
कलाधरावतंसकं विलासिलोक रक्षकम् ।
अनायकैक नायकं विनाशितेभ दैत्यकम् ।
नताशुभाशु नाशकं नमामि तं विनायकम् ॥ १ ॥
Mudakaratta modakam sada vimukti sadhakam. Kaladharavatamsakam vilasiloka rakshakam. Anayakaika nayakam vinashitebha daityakam. Natashubhashu nashakam namami tam Vinayakam.
नतेतराति भीकरं नवोदितार्क भास्वरम् ।
नमत्सुरारि निर्जरं नताधिकापदुद्ढरम् ।
सुरेश्वरं निधीश्वरं गजेश्वरं गणेश्वरम् ।
महेश्वरं तमाश्रये परात्परं निरन्तरम् ॥ २ ॥
Natetarati bhikaram navoditarka bhasvaram. Namatsurari nirjaram natadhikapaduddharam. Sureshvaram Nidhishvaram Gajeshvaram Ganeshvaram. Maheshvaram tamashraye paratparam nirantaram.
समस्त लोक शङ्करं निरस्त दैत्य कुञ्जरम् ।
दरेतरोदरं वरं वरेभ वक्त्रमक्षरम् ।
कृपाकरं क्षमाकरं मुदाकरं यशस्करम् ।
मनस्करं नमस्कृतां नमस्करोमि भास्वरम् ॥ ३ ॥
Samasta loka shankaram nirasta daitya kunjaram. Daretarodaram varam varebha vaktram aksharam. Kripakaram kshamakaram mudakaram yashaskaram. Manaskaram namaskritam namaskaromi bhasvaram.
अकिञ्चनार्ति मार्जनं चिरन्तनोक्ति भाजनम् ।
पुरारि पूर्व नन्दनं सुरारि गर्व चर्वणम् ।
प्रपञ्च नाश भीषणं धनञ्जयादि भूषणम् ।
कपोल दानवारणं भजे पुराण वारणम् ॥ ४ ॥
Akinchanarti marjanam chirantanokti bhajanam. Purari purva nandanam surari garva charvanam. Prapancha nasha bhishanam dhananjayadi bhushanam. Kapola danavaranam bhaje purana varanam.
नितान्त कान्ति दन्त कान्ति मन्त कान्ति कात्मजम् ।
अचिन्त्य रूपमन्त हीन मन्तराय कृन्तनम् ।
हृदन्तरे निरन्तरं वसन्तमेव योगिनाम् ।
तमेकदन्तमेव तं विचिन्तयामि सन्ततम् ॥ ५ ॥
Nitanta kanti danta kanti manta kanti katmajam. Achintya rupam anta hina mantaraya krintanam. Hridantare nirantaram vasantam eva yoginam. Tam ekadantam eva tam vichintayami santatam.
महागणेश पञ्चरत्नमादरेण योऽन्वहम् ।
प्रजल्पति प्रभातके हृदि स्मरन् गणेश्वरम् ।
अरोगतामदोषतां सुसाहितीं सुपुत्रताम् ।
समाहितायु रष्टभूति मभ्युपैति सोऽचिरात् ॥
Mahaganesha pancharatnam adarena yoanvaham. Prajalpati prabhatake hridi smaran Ganeshvaram. Arogatam adoshatam susahitim suputratam. Samahitayur ashtabhutim abhyupaiti sochirat.
